Prisintazioni
Sta residenza hà per scopu di creà novi itinerarii cuntempuranii d’architettura, da inizià l’abitanti di u Pumonte à a fabricazione d’una architettura cuntempurania. Sta riflessione hè dinù una manera di prupone una nova forma di turisimu micca staghjiunale, è ancu di fà evolue e pulitiche publiche attraversu una riflessione nant’à l’usi, i materiali, l’incrociu trà architettura è arte, è l’avvene di i nostri patrimonii è paisaghji.
A SQUADRA
David Vernet, architettu è guida
Furmatu in Francia è in Europa, David Vernet hè architettu è guida d’architettura, participendu à tempu à parechje iniziative intornu à l’arte di custruisce : accumpagnamentu di e pulitiche architetturale in l’Unione Europea, insignamentu, publicazione di libri è d’articuli spezializati.
Yasmine Madec, grafista è autrice
Grafista assuciata di l’attellu di design graficu Tabaramounien, Yasmine Madec hè spezializata dapoi u 2007 in l’accumpagnamentu di prughjetti culturali, istituziunali è urbani. Sviluppeghja dinù una pratica d’autrice è di curatrice dapoi u 2019.
Edizione hé/ha
Inseme, sò à l’origine di l’edizione Hors d’eau / hors d’air, chì cercanu, sempre è torna, à palisà ciò chì si piatta daretu à a creazione. Per elli, tuttu hè una quistione d’incontri, à principiu da quellu chì nasce trà una creazione è un publicu.
A Casa di l’Architettura di Corsica
Fortamente impegnata à creà un dibattitu trà quelli chì abitanu è quelli chì fabricanu, a MAC - Casa di l’Architettura di Corsica -, architettura è quadru di vita, hè un’associu chì sviluppeghja azzioni di prumuzione, di valurizazione è di diffusione di a cultura architetturale.
St’azzioni piglianu forme sfarente di scontri : mostre, cunferenze, tavule tonde, residenze d’architetti, azzioni pedagogiche, visite… tuttu l’annu, intornu à e sfide di a nostra epica per a nostra regione.U scopu hè chì ognunu si senta cuncernatu da u locu induve abita è chì, di pettu à e sfide di l’avvene, st’azzione permetta di « fà move e linee ».
C Stu prughjettu hè purtatu da a MAC – Casa di l’Architettura di Corsica –, cù u sustegnu di i so partenarii lucali, in u quadru di u dispusitivu di e Residenze d’architettura in Francia 2026, purtatu da a Rete di e Case di l’Architettura, in partenariatu cù a Caisse des Dépôts è cù u sustegnu di u Cunsigliu Naziunale di l’Ordine di l’Architetti è di u Ministeru di a Cultura.